Null
Null

أهلا بك فى أوليكسترا أحدث وأسهل وسيلة للاعلان مجاناً بدون ابليكيشن

كتير من الناس سألونا عن اسم اوليكسترا ومعناه والبعض انطلق بخياله وعمل حكايات وقصص ملهاش اساس ، قولنا نقصر الطريق ونكتب حكايتنا من طأطأ لسلامو عليكو

نبدأ حكايتنا من التعريف باسمنا

Olxtra.Com

وهو اختصار للجملة

Online Extra Communications

والتى تشير إلى مجموعة المزايا الـ "إكسترا" التى تميز أوليكسترا عن الوسائل الأخري و تمكنك من الوصول بطرق أكثر ابتكارا وفاعلية للعملاء المستهدفين بدون تكلفة اضافية


المشهد الحالى

أدوات متعددة .. وسائل اعلانية تقليدية

قبل تدشين أوليكسترا ، أكثر شئ لفت نظرنا فى معظم وسائل الاعلانات المبوبة كانت التقليدية المفرطة واستمرارها فى تقديم الاعلانات بنفس الشكل المعتاد لسنوات دون تطوير حقيقي يتناسب مع التطور الهائل فى الأدوات المتاحة للترويج والاعلان، فالأدوات المتاحة تفتح لك آفاق لا نهائية من التواصل و الابتكار و الترويج لتحقق أفضل النتائج بأقل التكاليف، لكن بالتوازى مع هذا التطور هناك قصور ملموس في وسائل الاعلان التى تمكنك من استخدام تلك الأدوات بكفاءة لتصل بطريقة فعالة للعملاء المستهدفين ، فأصبح المشهد الحالى لصناعة الاعلانات المبوبة أونلاين يتلخص في وجود أدوات عديدة ومجانية مقابل وسائل اعلانية تقليدية لا تعطيك فرصة حقيقية للاستفادة من تلك الأدوات ، وأصبحت معظم وسائل الاعلانات المبوبة مجرد وسيلة للتنويه عن المنتجات و الخدمات من خلال نص مختصر ومجموعة من الصور لا تمثل للعملاء مصدر كافي للمعلومات

أوليكسترا تتعدى مرحلة التنويه عن المنتجات و الخدمات لتدشن عهد جديد للاعلان أونلاين يمكنك من خلاله استعراض المنتجات والخدمات بأدوات متعددة تحقق المعايشة للعملاء المستهدفين وتوفر مصدر متكامل للمعلومات والتواصل، بل وتمتد لتجعل من اعلانك المبوب احد الادوات الفعاله في منظومتك التسويقية، وخطوة هامة لتصنيف العملاء وادراجهم ضمن قائمة عملاءك بكفاءة و فاعليه



Null
قبل أوليكسترا: يوسف عنده شقة للبيع ، الشقة مليانه بالمميزات ، موقع و تشطيب .. الخ ، أعلن عنها أونلاين ، كتب فى نص اعلانه كلام كتير يبرز فيه المزايا اللى فى الشقة ، المشتري شاف الاعلان ، و قرا  كلام كتير من اللى يوسف كتبه ، بس مقدرش يوصل لحالة من المعايشة تسمح له بالتعرف على الشقة عن قرب ، و مفيش فرصة لتحقيق ذلك إلا باجراء معاينة على الطبيعة ، لكن المشكلة ان الشقق المعروضة كتيرة و صعب جدا ان المشتري يقوم بمعاينة على الطبيعة لكل الشقق المعروضة و فى زحمة الاعلانات انتهى الموضوع ان يوسف خسر المشتري الجاد و المشتري الجاد خسر شقة يوسف و اتجه لمشاهدة اعلان آخر

Null
فى أوليكسترا : قام يوسف بتصوير الشقة فيديو ، و فى الفيديو استعرض كل المميزات على الطبيعة ، و عرض الفيديو مباشرة ضمن اعلانه فى أوليكسترا ، و لأن المشتري جاد بالفعل كان حريص على مشاهدة الفيديو و التعرف على مواصفات الشقة عن قرب ، وقدر يحقق حالة من المعايشة و أصبح المشتري على درجة كبيرة من المعرفة وجاهز لاجراء الزيارة على الطبيعة لاتمام الشراء ، لأنه ببساطة اختصر رحلة طويلة من جمع المعلومات فى أول خطوة و الأهم انه اتأكد تماما من صحة ومصداقية الاعلان وهو فى مكانه ، و النتيجة ان يوسف توصل للعميل الجاد من غير ما يضيع وقته ومجهوده فى عدد  كبير من الاستفسارات و المكالمات الغير جاده والمشتري حقق صفقة هايلة بأقل مجهود

Null 

حقائق وأرقام
من المتوقع أن يستحوذ الفيديو خلال علم 2019 على أكثر من 80% من زيارات الانترنت
أكثر من 90% من العملاء اكدوا أن فيديو شرح المنتجات ساعدهم فى اتخاذ قرار الشراء
64% من المشاهدين قرروا الشراء عقب مشاهدة اعلان بالفيديو
59% من مسئولي الشركات يفضلون مشاهدة الفيديو عن القراءة
بحسب تقارير اليوتيوب تتضاعف أرقام مشاهدة الفيديو عبر الموبايل سنويا
المصدر:  موقع فوربس

*      *      *      *      *
تصميم Responsive
استمتع بكل المزايا بدون أبليكيشن



في الماضى كنت محتاج تنزل ابليكيشن على الاجهزة المحمولة عشان تقدر تستفيد بنفس خدمات الموقع الأصلي من خلال نسخة معدلة تناسب الموبايل ، وطبعا لازم تختار نسخة التطبيق المتوافقه مع نظام التشغيل على موبايلك
فى أوليكسترا قررنا نعمل شغلنا صح وفقا لأحدث النظم العالمية عشان نوفر لك وسيلة اعلان مجانية ومتوافقة مع أى جهاز بدون ما تنزل تطبيق وتضحي بخصوصيتك. كل اللى عليك انك تدخل أوليكسترا من أى جهاز أونلاين وأوليكسترا بيتوافق ذاتيا مع الجهاز المستخدم. النسخة المتوافقة مصممة للعمل بأقل طاقة لنقل البيانات عشان باقة الانترنت عندك تفضل بخيرها
*    *    *    *    *
فئات أوليكسترا
متوافقة مع اسلوب حياتنا
فى الماضى أحيانا كنت بتضطر تبحث أكثر من مرة لتصل الى ما تبحث عنه، لأن ترتيب الفئات فى العادة كان منقول من مواقع اجنبية ولا يتوافق تماما مع اسلوب حياتنا فى مصر
فى أوليكسترا بدأنا من قلب مصر الجوانى ، حيث تم اختيار الفئات وترتيبها بعناية لتتوافق تماما مع اسلوب حياتنا ، فمثلا فى فئة عقارات للايجار، تم تصنيف العقارات وفقا لأنماط الايجار المتوفرة فى مصر وبحسب الغرض من الايجار ، مثل ايجار جديد ، ايجار قديم 59 سنة ، ايجار مفروش ، ايجار مشترك ... الخ لتجد ما تبحث عنه فى خطوة واحدة
كذلك تم تصنيف الفئات بشكل متكامل، فمثلا اذا كنت تبحث عن أثاث للبيع ، ستجد كل انواع الأثاث مصنفة بحسب استخدامها الى جانب الخدمات المتعلقة بالأثاث مثل تجديد ونقل الأثاث فى قسم واحد لنجعل من تصفح الفئات فى أوليكسترا تجربة سهلة و تلبي احتياجاتك فى البحث بأقل مجهود

*      *      *      *      *
أسهل اعلان في مصر
الاعلان عليك والتسجيل علينا
زمان كنت محتاج تنشئ حساب وتتبع خطوات روتينية لتأكيد حسابك لتتمكن من اضافة اعلان جديد، انشاء الحساب خطوة هامة لتوفير بيئة آمنه للمستخدمين، لكن كتير من الناس كان بينسي كلمة السر بعد فترة ويضطر لاعادة نفس الخطوات المملة ليتمكن من اضافة اعلان جديد أو التواصل مع العملاء
فى اوليكسترا راحتك تهمنا، بمجرد اضافة اعلان جديد يتم انشاء الحساب اتوماتيكيا وارسال بياناته للايميل الخاص بك دون اتباع اى من الخطوات الروتينية السابقة، كما يمكنك اجراء أى تعديل على حسابك بخطوات بسيطة، كذلك فى كل مرة تضيف اعلان جديد، مش محتاج تفتكر كلمة السر، فقط اضف الاعلان باستخدام نفس الايميل وستصلك رسالة تأكيدعلى الايميل الخاص بك اوتوماتيكيا. مش بقولك اسهل اعلان في مصر
 
*      *      *      *      *
أدوات التحريرالمتطورة
إعلانك بيتكلم عنك
اختيارك للكلمات المستخدمة فى نص الاعلان بلعب دور مهم فى جذب العملاء، فى الماضي كان اختيار الكلمات هى الوسيلة الوحيدة أمامك لأن الاعلانات تظهر بشكل موحد و تقليدى دون أى فرصة للتنوع و التميز.
فى أوليكسترا مجموعة متنوعة من أدوات التحرير المتطورة تمكنك من اخراج اعلانك بالشكل اللائق ، تقدر تضيف عناوين رئيسية و جانبية فى اعلانك، تقدر تبرز جمل او كلمات بعينها و غيرها من الأدوات التى تمكنك من اخراج اعلانك بالشكل اللائق

*     *      *     *      *
العملاء .. مفتاح السر  

أهم حاجة .. توصل للعميل الصح

كثير من أصحاب المشروعات لم تحقق حملاتهم التسويقية النتائج المرجوة منها و الاسباب المحتملة كتيرة ، يمكن الاعلان مش واضح أو يفتقد الى الجاذبية، ممكن التسعير غير صحيح أو غيره من العوامل ، لكن فى أغلب الأوقات يأتى عدم القدرة على استهداف العميل الصحيح على رأس قائمة الأسباب

والحقيقة ان استهداف العميل الصحيح موضوع مش سهل ، خصوصا اذا كان الاستهداف بيتم وفقا لعوامل ديموجرافية مشتركة بين عدد كبير من الجمهور ، زى الفئة العمرية ، النوع ، محل الاقامة و غيره من العوامل اللى مش بالضرورة تلعب دور رئيسي فى مدى اهتمام العميل بالمنتج أو الخدمة المعلن عنها ، فى معظم الأوقات بتبقي عوامل ترجيحية وغير مؤكده

أما فى أوليكسترا فاستهدافك للعملاء يجري تلقائيا بمجرد اختيارك للفئة المطلوبة عند اضافة اعلان جديد ، لأننا فى أوليكسترا بنقدم فئات محددة و تصفح العميل لأحد الفئات يخللينا متأكدين إن لديه اهتمام بالاعلانات الموجوده فى هذه الفئة، سواء فى الوقت الحالى أو فى المستقبل ، أو على الأقل عاوز يجمع المزيد من المعلومات ، يعنى زى ما بيقولو جاى ياخد فكرة و ممكن يشتري بكره ، وجود اعلانك أمام العميل المهتم بمنتجك أو خدماتك اللى بتقدمها بيختصر مسافة كبيرة و مبالغ كانت بتضيع فى البحث عن العملاء و استهدافهم بطرق عشوائية


Null
قبل أوليكسترا: دينا بتقدم منتجات صناعة يدوية على درجة عالية من الجودة و السعر المناسب ، عندها مجموعة هايلة من الاكسسوارات بتصممها و تصنعها بنفسها ، قامت بانشاء صفحة على الفيسبوك تجمع فيها منتجاتها و تتواصل من خلالها مع العملاء وكانت ناجحة فى البداية ، لكن المشكلة الحقيقية انها محتاجة لعملاء جدد عشان تستمر و نشاطها يزيد ، و هنا اضطرت تعمل عدد كبير من الاعلانات و طبعا اتكلفت جزء مش بسيط من ميزانية مشروعها عشان توصل لأكبر عدد ممكن من المشاهدين ، اللى مكانش كتير منهم مهتم أصلا بالصناعات اليدوية و مر باعلاناتها مرور الكرام أو عملها لايك و خلصت الحدوته ، و النتيجة إن جزء كبير من تكلفتها اتصرف بدون عائد مباشر او حتى غير مباشر

Null
فى أوليكسترا : قسم خاص للاعلان مجانا عن الصناعات اليدوية و الهوايات ، قامت دينا باضافة اعلان ضمن هذا القسم وتضمن اعلانها رابط مباشر الى صفحتها على الفيسبوك ، و تحول الاعلان من مجرد تنويه عن المنتجات اللى بتقدمها ، الى مصدر مستمر لتعريف العملاء المهتمين بالصناعات اليدوية بصفحتها على الفيسبوك و قدرت دينا تحقق نتائج افضل لأن استهدافها للعملاء كان صحيح من البداية



*      *      *      *     *
تواصل بلاحدود
افتح أبوابك ع الدنيا 

العالم اتغير فى تقنيات التواصل ، واصبح هناك تفضيل واضح لاستخدام وسائل التواصل التفاعلية لدى قطاعات متزايدة من العملاء، لأنها بتوفر بدائل أكثر توافقا مع أسلوب حياتك ، زى الواتساب و سكايب وغيرها من أدوات التواصل
فى أوليكسترا تقدر تضيف فى ملف التعريف الخاص بك معلومات الاتصال عبر الواتساب وسكايب وتيليجرام اضافة الى بيانات الاتصال التقليدية مثل رقم التليفون والرسائل
أوليكسترا تواصل سهل لا يعرف حدود

*    *    *    *    *
من النهاردة مفيش Update
عشان باقتك فى عنينا

كام مرة نزلت أبليكيشن و فضلت تعمل تحديثات عمال على بطال، التحديثات دى بتستهلك باقة الانترنت والموبايل والبطارية وغالبا انت كمستخدم مش بتحس بفرق كبير لأنها تحديثات تخص البرمجه فى معظم الأوقات
اولكسترا يجري تحديثه من جهتنا دون اي اعباء عليك ومصمم خصيصا للعمل بأقل طاقة لنقل البيانات فى الأجهزة المحمولة

*    *    *    *    *
أوليكسترا مول
تجربة ثرية لتسوق المنتجات الجديدة والمستعملة
 
فى أوليكسترا مول تشكيلة واسعة من المنتجات الجديدة و المستعملة التى تم تصنيفها بطريقة سهلة لتحقق تجربة تسوق مميزة و انت فى مكانك

*    *    *    *    *
نفسك تغيّر جو؟
أوليكسترا بتعرفك أماكن الترفيه والمتعه
أكتر سؤال ممكن تسمعه فى الاجازات فى مصر: هنروح فين؟ سؤال متكرر و كتير ضاعت مننا الاجازة من غير ما نجاوب عليه
أوليكسترا وفرت لك قسم خاص للترفيه و المتعة تقدر تعرف منه أماكن الفسحة و الخروجات و مجموعة متنوعة من رحلات اليوم الواحد و رحلات المبيت ، عشان تستمتع باجازتك من الألف للياء
 

اقرأ المزيد عن أوليكسترا
 تعرف على استراتيجية أوليكسترا للتطوير ثلاثية الأبعاد